मिलजुलि रौंला जौंला अघिना।
जब जब हम आपस लड़,
भ्यारक मैंस एती आपड़।
द्वी सौ बरस ग्वरों अधीना,
आयो हमों पे भारी अदीना।
आयो हमों पे भारी अदीना।मिलजुलि रौंला जौंला अघिना।
छब्बीस जनवरी गणतंत्र दिना,मिलजुलि रौंला जौंलाअघिना।
ग्वरोंक जब एति बढ़ों जुलमा।
विरोध कर हणि उठि गय हमा।
घरबार छोड़ि सब ऐगय अघिना,
जवान बुढ़व सब नन तिना।
जवान बुढ़व सब नना-तिना,मिलजुलि रौंला जौंला अघिना।
छब्बीस जनवरी गणतंत्र दिना,मिलजुलि रौंला जौंला अघिना।
चन्द्रशेखर,भगतसिंह सुभाष,गांधी,
बलिदान दी बेर पायी आजादी ।
मिलिगे आजादी मिलगो सम्मान ।
अम्बेडकर लिख गय संविधान।
अम्बेडकर लिखगय संविधान,छब्बीस जनवरी गणतंत्र दिना।
किलैकि चाणौं हमुलै पछिना,मिलजुलि रौंला जौंला अघिना।
अब हमेंछों जनता हमें पधान।
हमर राष्ट्र अब हमरौ विधान।
हमरि आजादी हमर सम्मान।
अमर रह जो हमर संविधान।
अमर रह जो हमर संविधान,धन धन गणतंत्र धन हो विधान।
छब्बीस जनवरी गणतंत्र दिना।मिलजुली बेर हिटो अघीना ।
कोई टिप्पणी नहीं:
एक टिप्पणी भेजें